الا ياوقــــت

الا ياوقت وين اللي على بالي يجي ويروح

هذاك اللي ملك قلبي وتفكيري و وجداني
أموت بطيفه اللي لا لمحته تنتشي بي روح
 أحس أني أذا شفته كأني بعالم ثاني
أحبه والأمل باني بقلبي من غلاه صروح
 حبيبي لو يمر طيفه يبدد ماضي أحزاني
أحبه حب لو يدري عن اللي بخافقي من بوح
 نسى كل الزعل وأرخص حياته دون حرماني
تحملت الخطا منه وأذا أخطا بعد مسموح
 حبيبي ما عليه أزعل أذا أخطى وخطاني
تذكرته وأنا ناسيه ونسيته والوفا مجروح
غريبه حالتي والله ... وهو ذكراه نسياني